Ciidamada sida gaarka ah u tababaran ee Kumaandooska DANAB ayaa howlgalo qorsheysan waxay ka sameeyeen deegaano ka tirsan gobolka Shabeellaha Hoose.
Ujeedka howlgalkan ayaa waxa lagu sheegay in uu ahaa sidii Dagaalamayaasha Al-Shabaab looga saari lahaa deegaanada dhaca gobolkaasi Shabeellaha Hoose.
Ciidamada Xoogga dalka ayaa howlgalkan si gaar ah kaga fuliyay deegaanada Tawakal iyo Daaruslaam oo dhammaatood hoostaga degmada Awdhiigle ee gobolka Shabeelaha hoose.
Saraakiisha hoggaamineysay howlgalka ayaa u sheegay warbaahinta Qaranka in howlgalka lagu bur buriyay saldhigyo iyo xarumo Al-Shabaab ku lahaayeen deegaanadaasi
Ciidamada Xoogga dalka ayaa muddoyinkii dambe howlgalo ka waday deegaanada dhaca gobolka shabeelaha hoose
Waxaana ay sheegeen in Howlgaladaan ay kuwa ka dhan ah Dagaalamayaasha Al-Shabaab islamarkaasna ay sii wadi doonan inta amaanka laga xaqiijinayo.
