Hal nin ayaa sheegay inuu tiriyay 55 mayd markii uu ka baxsanayay magaaladiisa waqooyiga Itoobiya, isagoo dul maray meydad daadsan waddooyinka. Mid kale wuxuu cadeeyay in lagu soo ururiyey ilaa 20 nin oo hortiisa lagu toogtay. Hadana qaar kale waxay sheegteen in ciidamada Tigreegu guri guri u galeen iyagoo dilay rag iyo wiilal dhalinyaro ah. Eedeymaha ka soo baxay magaalada Kobo ayaa ah kuwii ugu dambeeyay ee lagu qaado ciidamada Tigray-ga iyaga oo riixaya gobolka deriska la ah ee Amxaarada, waxa ay ugu yeereen isku day lagu doonayo in lagu cadaadiyo dowladda Itoobiya si ay u soo afjarto dagaal socday muddo 10 bilood ah isla markaana ay ka qaadday go’doomin lagu hoobtay gurigooda. Labada shacab ee Amxaarada iyo Tigreega ah ayaa dagaalka ku soo biiray, waxaana baaqyada Mareykanka iyo kuwa kale ee nabada wax saameyn ah ku yeelan iyadoo dagaalku ku fiday mid ka mid ah dalalka Afrika ugu awoodda badan.
