Dagaalka oo u dhaxeeyay Ciidamada Maamulka Koonfur Galbeed iyo Xubno ka tirsan Al-Shabaab ayaa waxaa uu ka dhacay duleedka Magaalada Baydhabo, kadib markii Ciidamada Koonfur Galbeed oo dhaq dhaqaaqyo wada ay weerar kala kulmeen Al-Shabaab.
Wararka la helayo ayaa sheegaya in dagaalka oo soo gaaray xalay fiidkii hubka noocyadiisa kala duwan ee leysku adeegsanayay siweyn looga maqlay Magaalada Baydhabo iyo degaannada hoostaga.
Wararka ayaa waxaa ay intaasi ku darayaan in Ciidamada Itoobiya ee ku sugan Garoonka Diyaaradaha Magaalada Baydhabo ay rideen tiro madaafiic ah oo ay ku caawinayeen Ciidamada Maamulka Koonfur Galbeed ee dagaalka la galay Xubnaha ka tirsan Ururka Al-Shabaab
Dagaalka ka dhacay duleedka Magaalada Baydhabo ayaa waxaa ka dhashay khasaaro dhimasho & dhaawac ah, waxaana uu kusoo beegmay xilli shalay gelinkii dambe dagaal culus uu ku dhexmaray inta u dhaxeeysa Magaalada Baydhabo & degaanka Deeynuunaay Ciidamo uu watay Taliyaha qeybta 60aad ee Ciidanka xoogga dalka iyo Al-Shabaab.
