New Delhi, India-Ugu yaraan lix qof, oo uu ku jiro afhayeenkii hore ee xisbiga garabka midig ee maamula Hindiya, ayaa ku jira gacanta booliska sababo la xiriira halku dhigyo ka dhan ah Muslimiinta oo lagu soo qaaday caasimadda.
Mudaaharaad, oo uu soo abaabulay Axaddii hoggaamiyihii hore ee Xisbiga Bharatiya Janata (BJP) iyo qareenka Maxkamadda Sare Ashwini Upadhyay, si loo dalbado “baabi’inta sharciyadii xilligii gumaysiga Hindiya” ayaa isu rogay mudaaharaad ka dhan ah Muslimiinta.
