Kulankii xildhibaanada Baarlamaanka ee la qorsheeyay in maanta oo Isniin ah ay isugu yimaadaan ayaa dib loo dhigay illaa iyo maalinta Arbacada ah. Farriinta loo kala diray xildhibaanada golaha shacabka ayaa lagu sheegay in gebi ahaanba la joojiyay kulankaasi illaa maalinta arbacada ee 31ka bishan.
Dib u dhigistan ayaa ka dambeysay kadib markii beesha caalamka ay cadaadis xoog leh ku saareen madaxweyne Farmaajo iyo Gudoomiyaha Baarlamaanka Kulanka baarlamanka oo shaki weyn laga qabay in muddo kordhin loogu sameeyo Madaxweyne Farmaajo ayaa waxaa hareeyey diidmo xoog leh oo ka timid midowga musharaxiinta,beesha caalamka iyo qaar ka mid ah madaxda maamul goboleedyada. Kulan albaabada ay u xidhan yihiin ayaa madaxtooyada waxaa ku kulmay Madaxweyne Farmaajo,Ra’iisul Wasaare Rooble,Madaxweynayaasha HIrshabelle, Galmudug iyo Koofurgalbeed iyo gudoomiyaha gobolka Banaadir.
By:Jim’alw ismail
