3 Qarax ayaa waxay ka dhaceen Magaalada Kaabul Caasimadda dalka Afganistan, iyadoo ay ugu yaraan 10-qof ku geeriyootay, halka ay Tobaneeyo kalena ku dhaawacmeen.
Afhayeenka Wasaradda Arrimaha Dibedda ee Afganistan, Saciid Xamiid Rushaan ayaa sheegay inay 2 qarax ay ka dhaceen dhowr goobood oo ka tirsan Galbeedka Kaabul.
Qaraxa 1-aad waxaa uu ka dhacay meel ku dhow Hoyga Hoggaamiye caan ah oo lagu magacaabo Maxamed Moxaqiq oo ka jeedo Qowmiyadda Hazaara.
Dhinaca kale, Afhayeenka Waaxda Korontada ee dalkaasi, Sangar Niyaazaay waxa uu isagana sheegay in Qaraxa 3-aad lala beegsaday Saldhig Koronto oo ku yaalla Waqooyiga Kaabul, halkaasi oo ay ku badan yihiin dadka laga tirade badan ee ka soo jeeda Qowmiyadda Hazaaraha ku nool dalka Afganistaan.
