Xulalka Colombia iyo Argentina ayaa ku kala baxay rikoodhayaal kulankii Semi-final-ka tartanka Copa America iyada oo uu xulka Argentina iska xaadiriyay Final-ka kadib markii ay badiyeen.
Labada xul ayaa ku kala bixi waayay ciyaarta iyaga oo 90-kii daqiiqo iyo waliba 30-kii daqiiqo ee lagu daray ciyaarta ku dhamaystay bar-baro 1/1 ah.
Kadib waxa ay labada xul isla aadeen rikoodhayaal taas oo uu ugu dambayn xulka Argentina ku guulaystay iskana xaadiriyay Final-ka Copa America ee sanadka.
Intii ay socotay rikoodhadu waxa ay sheeko la yaab leh dhexmartay labada xiddig ee u kala ciyaara labada xul ee Yerry Mina Iyo Emiliano Martínez.
Garoonka ayaa bilaa taageerayaal ahaa sidaas darteed waxa si fiican loo maqlay hadalkooda iyada oo uu daafaca Yerry Mina ku diganayay Goolhaye Emiliano Martínez ka hor intii uuna rikoodhada ka qaban.
