Israa’iil ayaa shacabkeeda ugu digtay inay u safraan dalalka Imaaraatka Baxrayn, Turkiga iyo waddamo kale sida ay warbaahintu kusoo waramayso Golaha Amniga Qaran ee Israa’iil ayaa warsaxaafadeed uu soo saaray ku sheegay in bilihii inna dhaafay ay kooxo reer Iran ah ku hanjabeen inay bartilmaameedsan doonaan danaha Israa’iil.
Bayaankan ayaa lagu sheegay in bishii January qarax yar uu ka dhacay duleedka safaaradda Israa’iil ee New Delhi, kaas oo ay masuuliyiinta Hindiya u aaneeyeen Iran.
Golahan ayaa hoosta ka xarriiqay inuu aaminsan yahay in Iran ay sii wadi doonto iskudayada ay mustaqbalka dhaw ku bartilmaameedsanaysoo danaha Israa’iil. Si kastaba ha ahaatee, Israa’iil iyo Iran ayaa is waydaarsaday eedaymo la xidhiidha weerarro Dhawr ah.
Tahrana ayaa bishii hore ballan qaaday in u aargudi doonto khabiirkeedii nukliyeerka Muxsin Fakhri Zadah, kaas oo lagu dilay shirqool lagu eedeeyey Israa’iil iyo Maraykanka.
By:Jim’ale Ismail
