Xubno ka tirsan Ururka Al-Shabaab ayaa waxaa la sheegay inay weerareen kolonyo Gaadiid ah o ay wateen Ciidamada, xilli ay ku socdaalayeen degaano ka tirsan Magaalada Mandheera ee dalkaasi Kenya.
Weerarka oo ka dhacay inta u dhaxeysa tuulada Kintoo iyo degmada Tagaabo ayaa waxaa dagaal xoogan uu dhex-maray ciidamada Kenya iyo Al-Shabaab, waxaana la sheegay in u ka dhashay khasaaro dhimasho iyo dhaawac ah.
Saraakiil ka tirsan Ciidamada Kenya ayaa waxaa ay Warbainta u sheegeen inay iska caabiyeen weerarka ay kusoo qaadeen Al-Shabaab, isla markaana dagaalkii dhacay ay qasaar ku gaarsiiyeen.
Al-Shabaab ayaa dhankooda warar ay ku daabaceen Baraha ay ku leeyihiin Internet-ka waxaa ay ku sheegteen inay weerarkaas ku dileen laba askari, sidoo kale ay ku qabsadeen Saanad Millateri.
Saddexdii Todobaad ee la soo dhaafay ayaa waxaa weeraro kala duwan ay Al-Shabaab ka geysteen degaano ka tirsan Gobolka Waqooyi Bari, waxaana weeraradaas qaarkood ku geeriyooday Ciidamo ka tirsan kuwa Kenya.
