Xubno katirsan Ururka Al-Shabaab ayaa weerar ku qaaday degaanka Baxdo oo kamid ah degaaanada hoostaga Magaalada Cadaado ee Gobolka Galgaduud, halkaas oo ay gacanta ku hayeen maleeshiyaad degaanka ah.
Dadka degaanka ayaa ku waramay in Al-Shabaab ay dhanka Bari kasoo galeen degaanka, isla markaana Gudaha degaanka ay kula dagaalamayaan maleeshiyaad dadka degaanka ah.
Dagaalka ayaa waxaa ka dhashay khasaaro isugu jira dhimasho iyo dhaawac oo kala gaaraya dhinacyada dagaalamaya iyo dad rayid ah oo Guryaha ugu tagtay rasaasta.
Wararka ayaa waxaa ay intaasi ku darayaan in Magaalooyinka Dhuusamareeb iyo Cadaado ay ka socdaan diyaar Garoow ku aadan sidii Ciidamada dowladda ugu gurman lahaayeen dadka degaanka Baxdo ee la dagaalamaya Ururka Al-Shabaab.
Al-Shabaab ayaa sanadkii 2018-kii mar si Nabad ah kula wareegay degaanka Baxdo ee Gobolka Galgaduud walow markii dambe isaga baxeen, waxaana degaankaas uu yahay mid halbowlo u ah Amniga Magaalada Cadaado
Wararka kusoo kordha kala socda wardeeqnews.net
